Les mots surlignés font l'objet d'une note
1Reçue à Crest, le 09 avril 1573.
2Monsieur de Gordes, par les letres que le roy, monsieur mon filz, vous
3escript, vous verrez ladvys qui luy a esté donné comme aucuns de
4ses subgectz fugitifz se preparent pour aller secourir ses rebelles et le chemyn
5quilz veullent prendre pour aller gaigner le Daulphiné où ilz font estat davoir
6faveur et intelligences; enquoy, dautant que cest chose de très grand importance
7au service du roy mondit sieur et filz, je vous prye suyvre si dextrement ce quil
8vous mande que vous puissiez prevenir que telles et sy pernityeuses intentions
9ne se puissent effectuer en votre gouvernement. Il vous a très volluntiers
10accordé leconomat dont luy avez et à moy escript pour six moys, encores
11que puis naguères il ayt faict une ordonnance toute contraire à cella, affin
12de vous faire congnoistre en quelle estime il vous a et desire votre contantement,
13en quoy je fortiffieray tousiours ceste bonne vollunté de tout ce que je pourray,
14priant Dieu, monsieur de Gordes, vous avoir en sa sainte garde. Escript
15à Fontainebleau, le IIe jour davril 1573
16Caterine
17de Neufville